Actualités

Partagé sur :
• facebook

Misedra olana tanteraka efa fotoana maromaro izao ireo mponina ao amin’ny fokontany Antaninandro, Boriborintany fahatelo eto Antananarivo.

Misy “studio” iray miorina ambony rihana  manakorontana ny mpiray vodirindrina  ao amin’ity fokontany ity ka tsy mampandry ny isan-tokantrano andro aman’alina. Mamoaka feo mitabataba be  izy io, araka ny fitarainan’ny mponina manomboka ny andro alatsinainy ka hatramin’ny sabotsy. Nisy ny fifampiresahana nifanaovana renim-pianakaviana iray  mponina tamin’ny tompon’ity “studio” ity   izay zary nametraka fitoriana teny anivon’ny mpitandro ny filaminana mihitsy taty aoriana  noho ny tsy fisian’ny fandraisan’andraikitra nataon’itsy voalohany. Tsy nahoany akory  mantsy ny fitarainan’ny mponina isan’andro raha araka ny tatitra  fa ny nataony ihany no hataony. Nisy  ny fidinana ifotony notanterahin’ny sefom-pokontanin’Antaninandro tao amin’ilay tanàna misy ilay studio nanamarina ny tena zava-misy iainan’ny mponina isan’andro. Voaporofo tokoa fa tena manakorontana fiaraha-monina isan’andro ity studio izay fantatra fa  tsy manara-penitra tokoa ary  rehefa tonga teny anivon’ny  pôlisy ny raharaha dia fantatra ihany koa fa tsy nahazo alalana hisokatra akory izy io izany hoe : tsy ara-dalàna. Andrasan’ny mponina ny fandraisan’andraikitry ny Boriborintany fahatelo sy ny kaominina Antananarivo Renivohitra manoloana ity  zava-misy ao Antaninandro  ity.

Pati

Tia Tanindrazana

Samia mijoro ho an'i Gasikara.