Actualités

STK FJKM Vakinankaratra Nankalaza ny ivon�ny faha-40 taona nijoroany

Actualités
Alakamisy 19 Jona 2014

Nankalazaina tao Antsirabe ny faran�ny herinadro teo ny ivon�ny faha-40 taona niorenan�ny STK FJKM niraisan�ireo tanora avy amin�ny Synodam-paritany Andrefana-Atsimon�Ankaratra miaradia.

Nambaran’Atoa Andriambololona Solomampionona filohan’ny STK Antsirabe fa taty Antananarivo no nanokafana ny fankalazana nasionaly ny 30 martsa teo, ka anjaran’ny Synodam-paritany rehetra kosa ny manao ny fankalazana ny ivony toy izao, izay nifanindran-dalana tamin’ny isan-kerintaonan’ny tanora STK tao amin’ny Synodam-paritany izany. Tonga tao Antsirabe nanome voninahitra ity hetsika ity ny filoha nasionalin’ny STK Foibe, Rajaonarivelo Onifinaritra ka nambarany fa ezaka amin’izao fankalazana izao ny Tsangambato dia ny fananganana ny foiben’ny STK Nasionaly ao Antananarivo mba hananan’izy ireo toeram-piofanana maharitra ho an’ireo mpikambana ary eo ihany koa ny fanangonana sy fandrafetana tahirin-kevitra mikasika ireo tanora manerana ny Nosy eo amin’ny sahan’ny fiangonana FJKM ahafahana mijery ny filana sy ny zava-misy any amin’izy ireo tsirairay avy. Nisy moa ny lalao ara-panatanjahantena nataon’ireo tanora marobe ny sabotsy ary ny alahady famaranana dia nisy ny Diabe niainga teo amin’ny FJKM Filadelfia nizotra nankao amin’ny FJKM Antsirabe Fitiavana nanaovana ny fotoam-pivavahana famaranana.