SKATE PARK ANTANIMENA

Niova endrika, nolokoina miavaka

Actualités
Alatsinainy 28 Jolay 2025

Niova endrika tanteraka ny Skate Parc Antanimena.

Tanjona ny hitondrana ainga vao ho an’ny tontolon’ny fanatanjahan-tena sy ny tanora. Afak'omaly Sabotsy 26 jolay no nanokanana tamim-pomba ofisialy ny foto-drafotrasa. Tafiditra ao anatin’ny fanamafisana ny fiaraha-miasa eo amin’ny OKALOU sy ny WOCO ity fanovàna ity izay manakaiky hatrany ny tanora malagasy. Tsiahivina moa fa ny Skate Park Antanimena dia ambohimpihaonan’ireo mpankafy riders, mpilalao skate ary ireo mpanaraka ny kolontsaina antanan-dehibe. Ankehitriny dia nomena endrika vaovao manentanentana sy maoderina izy, mifanaraka amin’ny maha izy ny WOCO. Mampirisika ny famoronana, ny fanehoana talenta ary ny fifampizarana araka izany ny fiaraha-miasa, izay soatoavina iraisan’ny mpilalao skate sy ny marika. Manamafy ny fifandraisan’ny WOCO amin’ny tanora ity endrika vaovao ao amin’ny Skate Park ity izay toerana mamelona ny aingam-panahy, taratry ny angovo ananany.
Pati
Légende : Tahaka izao ny nandokoana ilay toerana !