Siteny Randrianasoloniaiko

«Andry Rajoelina mihitsy no olana lehibe eto Madagasikara»

Actualités
Zoma 25 Jolay 2025

Namaly bontana avy hatrany ny filazàn’ny filohan’ny antoko politika RCR, Laza Razafiarison,

izay nilaza fa tsy Andry Rajoelina no olana eto Madagasikara fa ny rafi-pitantanany ny firenena ny filohan’ny fanoherana eo anivon’ny antenimieram-pirenena, Siteny Randrianasoloniaiko. Tsy marina izany, hoy ity depiote ity! Andry Rajoelina mihitsy no olana lehibe eto Madagasikara, hoy izy. Izy no namolavola ny lalàmpanorenana misy rafi-pitondrana mitsinjo ny fitsinjaram-pahefana nefa izy ihany no tsy manaja izany. Raha mbola eo amin’ny fitondrana i Andry Rajoelina, tsy hisy fandrosoana marina ho an’ny firenena. Tsy ny rafitra ihany no olana fa ilay mpitondra manararaotra azy, hoy hatrany i Siteny Randrianasoloniaiko.
J. Mirija