Actualités

Sidina Tsaradia Takiana 100.000 Ariary saran’ny fitilana PCR ny mpandeha

Actualités
Alakamisy 27 Aogositra 2020

Hosokafana miandalana ireo sidina anatiny manomboka ny 1 septambra 2020, mampitohy an’Antananarivo sy Sambava, Antsiranana, Taolagnaro, Toliara, Nosy Be, Toamasina, Mahajanga, Sainte-Marie,

Maroantsetra ary Morondava araka fanazavana nataon’ny minisitry ny Fitaterana, ny fizahantany ary ny famantarana ny toetr’andro, Randriamandranto Joël, tao amin’ny fahitalavim-pirenena TVM, mahakasika ireo fepetra ho an’ny fitaterana, izay nambaran’ny Filoham-pirenena ny alahady lasa teo. Tsy maintsy manao fitiliana PCR roa andro mialoha ireo mpandeha ary mampiseho izay valin’izany milaza fa tsy voan’ny Covid 19 eo am-piaingana. Ho an’ireo handray ny sidina Tsaradia dia mandoa 100.000.Ar isan’olona ny mpandeha Sambava - Tana ho saran’ny fitiliana PCR atao azy ireo eny ampahatongavana Ivato araka ny filazana nataon’ny masoivohon’ny Air Madagascar tamin’ireo mpandeha naka tapakila omaly tao Antalaha.

Jean D.