SIAE ANDIANY FAHA-13

Ahitana kojakoja maro miaro ny tontolo iainana

Actualités
Zoma 07 Jona 2024

Mihasimba hatrany ny tontolo iainana eto amintsika. Antony miteraka ny fiovaovan’ny toetr’andro sy ireo karazana

aretina mahazo ny mponina izany ka tsy maintsy hanaovana ezaka manokana. Anisan’ny mandray anjara amin’ilay « Salon International des Acteurs Economiques » andiany faha-13 tanterahina etsy amin’ny Canal Olympia Andohatapenaka ny Ministeran’ny Tontolo iainana. Tanjon’izy ireo ny hanome lanja manokana ny fampiroboroboana ny toe-karena sy ny fiarovana ny tontolo iainana.Eo ihany koa ny mba hahafahana manamafy ny fampiroboroboana ny seha-pihariana maitso sy ny fanentanana ireo mpandraharaha ara-toekarena maro mandray anjara mba hiroso amin’ny fametrahana ny modelim-pitantanana manome lanja ny fiarovana ny tontolo iainana izay antoky ny fandrosoana lovainjafy. Rahampitso Sabotsy 08 Jona moa no hifarana tanteraka ity hetsika ity.
Pati
Legende : Hita sy hampahafantarina mandritra ity salon ity ireo karazana saribao vaovao amboarina amin’ny akora hafa tsy ilana fanapahana hazo !