Seranam-piaramanidina Ivato

Roalahy mpitaky vola tratra

Actualités
Alarobia 10 Jolay 2024

Roalahy izay fantatra fa efa mamelona vady aman-janaka avokoa no

tratra teo am-panaovana ny asa ratsiny teny amin’ny Seranam-piaramanidina eny Ivato. Raha araka ny loharanom-baovao azo dia teren’izy ireo sy hangatahany vola ireo mpandeha miantsona eny amin’ny « parking » an’io seranam-piaramanidina io raha tokony ho maimaimpoana izany. Efa maro ireo mpandeha nitaraina teny anivon’ny zandarimariam-pirenena mikasika izany, antony nanaraha-maso azy ireo. Ankoatra ny fanitsiana natao tamin’izy roalahy ireto moa dia nasaina nanarona taratasy ny masony ihany koa izy ireo, izay misy soratra hoe : tsy haneritery na haka vola amin’ny mpandeha eto amin’ny seranam-piaramanidina Ivato intsony izahay.
Pati
Legende : Inoana fa ho fay amin’izay izy roalahy ireto !