Sendika mahaleotena CUA

« Be loatra ny olana navelan’ny mpitantana ny kaominina teo aloha »

Actualités
Talata 16 Aprily 2024

Betsaka ny olana navelan’ny mpitantana ny kaominina Antananarivo renivohitra teo aloha,

tsy mbola voavaha hatramin’izao raha ny fampahafantarana nataon’Andriamatoa Jaona Clément Nirintsoa filohan’ny Syndicat Autonome de la commune urbaine d’Antananarivo omaly. Ankoatra ny olana mahazo ny mpiasan’ny kaominy dia mihatriaka hatrany amin’ireo mpivarotra ny olana ankehitriny. Araka ny fitantaran’ny delegen’ny Esplanade sady filohan’ny fikambanan’ny mpivarotra ezaka ohatra dia nisy ny vola 600 000 ariary nalaina tamin’izy ireo no mbola tsy niverina hatramin’izao. Fa eo indrindra ihany koa ny omba ny SMGD, mahatsiaro izahay mpivarotra fa misy resaka fametsifetsena ilay tickes sy fitakiana vola amin’ny mpivarotra, hoy ny delege nitondra teny ; misy zavatra tsy rariny hoy izy. Olona efa marary any amin’ny hopitaly, tsy mivarotra ve dia mbola takiana handoa ticket ihany, hoy ny fitarainana omaly. Nisy moa ny fanambarana sy hetsika fanairana nataon’ny Syndicat Autonome de la commune d’Antananarivo omaly, mitaky ny hijerena vahaolana haingana ary hangatahin’izy ireo ny hisian’ny fivorian’ny filankevitry ny tanàna faran’izay haingana. Angatahan’ny sendika ihany koa mba tsy ho tara fandraisana karama fa tena mizaka ny mafy izy ireo, niantefan’izany antso manokana izany moa ireo banky eto an-drenivohitra.
Lalaina Rav