Actualités

Sekoly ambony UPRIM Hanangana oniveriste manara-penitra manaraka ny rafitra LMD

Actualités
Alatsinainy 04 Aogositra 2014

Tsy mitsaha-mivoatra ny tontolon�ny fampianarana eto amintsika mba hananana tanora Malagasy sangany. Tafiditra ao anatin�izany ny fampiharana ny rafitra LMD izay mitaky fotodrafitrasa sy fitaovana manara-penitra. Mba hahafahana mamaly io filana io ary dia hanangana oniveriste manara-penitra ny sekoly ambony UPRIM.

Eto Antananarivo afovoan-tanàna no ahitana azy io, misy efitrano miisa 18, toy ny efitrano fanaovana kaonferansa, ny efitrano fikirakirana solosaina ahitana aterineto avo lenta amin’ny alalan’ny fibra optika, ary ny efitrano iray mahazaka olona manodidina ny 100 ( salle polyvalent). Hotokanana amin’ny volana novambra izy io, kasaina handraisana mpianatra amin’io taom-pianarana vaovao io. Nandritra ny famoahana ireo mpianatra 278 mianadahy ny sabotsy lasa teo no nahafantarana izany, notolorana ny mari-pahaizana Diplômes de technicien supérieur, ny licence ary ny master I. Lalam-piofanana miisa efatra no narahin’izy ireo dia ny commerce et marketing, ny gestion et management, ny communication ary ny droit.