SEHATRY NY ANGOVO

Partagé sur :
• facebook

Nisaotra ireo mpiara-miasa sy

mpuara-miombon'antoka momba ny vahaolana angovo azo avy amin'ny masoandro ( solution solaire pour Madagascar) ny minisitry ny angovo sy ny akoran'afo RABEARIMANGA Radonirina Lucas,. Hita sy tsapa ny fahavononana hoy izy satria miisa 86 ny Mémorandums d'entente (MoU).voasonia avy amina mpamokatra angovo tsy miankina 39 sy mpaninjara angovo 21 .Ny 30 aprily 2026 lasa teo no namoahana ny MoU. Fiaraha-mientana lehibe manaporofo indray izao hoy ny minisitry ny angovo sy ny akoranafo fa mitovy fomba fijery ny maro ny amin'ny fampiroboroboana ny sehatry ny angovo eto Madagasikara sy ny faharesena lahatra fa mila hagainganina ny fahazoan'ny isan-tokantrano angovo maharitra, azo antoka ary mahasoa ny rehetra. Mahatratra 6 684,205 MWc ny fitambaran'ny tolotra vokatra angovo voaray ary sosokevitra ny amin'ny hanolorana batterie de stockage mahazaka hatrany amin'ny 5 868 MWh, Goavana ary tena zava-dehibe ho an'ny ho avin'ny famokarana sy fanapariahana angovo eto Madagasikara . Tafiditra ao anatin'izay mazava ho azy ny fanapariahana angovo any amin'ny tontolo ambanivohitra ka toerana telo no efa nahazoana tolotra dia Andaingo ao Aloatda Mangoro, toerana iray ho an'Analamanga ary toerana iray hafa any amin'ny faritra DIANA. Miara-miasa akaiky ny Minisitefan'ny angovo sy ny akoranafo, ny ADER ary ny JIRAMA amin'ny fandrafetana ireo antontan-taratasy antso tolobidy hanohizana ny asa.
Nangonin'i RTT
 

Tia Tanindrazana

Samia mijoro ho an'i Gasikara.