Saran’ny « internet » midangana

Mikoroso fahana ny tontolon’ny asa ampitain-davitra

Actualités
Alatsinainy 23 Septambra 2024

Tsy hoe mampikaikaika fotsiny fa tena mampijaly mihitsy ankehitriny ny politikan’ny fitsitsiana

voatery hidiran’ireo mbola misafidy na voatery hanatontosa asa ampitain-davitra na «travail en ligne» eto Madagasikara, raha ny fitarainana sesilany voaray hatramin’izay nidanganan’ity saran’ny fifandraisan-davitra eto amintsika ity. Iaraha-mahalala fa nalatsak’ireo orinasam-pifandraisan-davitra na «opérateur téléphonique» miisa 3 eto amintsika ho miiba 3 heny eo fara-faha keliny moa ny tolotra omen’izy ireo ankehitriny, raha mitaha amin’ny teo aloha. Tsy misy na inona na inona efan’ny fitondram-panjakana manoloana izany nefa hatramin’izao na dia efa niova aza ny minisitra tomponandraikitra. Very an-javony koa ny asam-baomiera teo anivon’ilay hoe vaomiera misahana izany teny anivon’ny antenimieram-pirenena. Nilaza fa hanasazy na handray fepetra ireo orinasa tsy mampidina izay saran’ny fifandraisana izay teo ny fitondram-panjakana nefa tsy hita akory hatramin’izao. Miha mifanakaiky ny fandaniana sy ny vola miditra amin’ireo mpiasa amin’ny fifandraisan-davitra toy ny aterineto. Zara raha misy tombony, hoy ny fitarainana maro, sisa. Miandry fitondram-panjakana mahefa, araka izay anarana izay, noho izany, raha tena hahavita hanaporofo fa mahefa amin’ireo orinasam-pifandraisan-davitra mpanararaotra mpanjifa ankehitriny tokoa izy ireo.
J. Mirija