Actualités

SAMPAM-PAMPIANARANA IUGM Kilan�ny afo ny fitaovana rehetra

Actualités
Zoma 01 Aogositra 2014

May nisy nandoro ny biraon�ny sampam-pampianarana IUGM avy eo anivon�ny oniversite Mahajanga ny alahady alina tokony ho tamin�ny 11 ora. Nandritra ny fizahana nataon�ireo mpitandro ny filaminana no nahitana �seringue � roa tao anatin�io birao io izay nahenona fofona lasantsy

Kila avokoa ireo fitaovana fiasana ao amin’io sampam-pampianarana io toy ny solosaina iray, « climatiseur » ary ny antontantaratasy maro samihafa mikasika ireo mpianatra mianatra ao. Maro ny mametra-panontaniana amin’ity tranga ity. Manoloana io biraon’ny oniversite Mahajanga io mantsy dia misy mpitandro ny filaminana sy mpiambina tsy miankina miandry io toerana io. Tsy mbola milamina mihitsy ity raharahan’ny oniversite ity satria dia mbola mitohy hatrany ny fanapotehana ny fananana sy ny fandrahonana maro samihafa eo amin’ny an-daniny sy ny an-kilany. Ireo mpandraharaha koa mbola manohy ny fitokonany. Ny mpampianatra eo anivon’ny anjerimanontolo dia efa nampilaza fa hifarana tsy ho ela ny fampianarana amin’ity taona 2013-2014 ity. Ny mpianatra mpitokona mbola mitaky hatrany ny famerenana ny fampianarana ary mbola miandrandra ny fanadinana afaka telo volana izay voarakitra ao anatin’ny drafi-pandaminana napetraky ny minisiteran’ny fampianarana ambony farany teo.