Actualités

Sambo nitondra jirofo � �niniana nalentika� 600 tapitrisa Ar no very, hoy ilay depiote

Actualités
Alatsinainy 14 Jolay 2014

Nanao valandresaka ho an�ny mpanao gazety tao Toamasina ny depioten�i Mananara Avaratra sy ireo mpiara-dia aminy ny faran�ny herinandro teo

nilazany ny heviny manodidina ilay sambo kely “Rowilla” nitondra jirofo rendrika tany amin’ny fari-dranomasin’i Soanierana Ivongo tamin’ny tapatapaky ny volana jona lasa teo iny. Nahitsy ny teniny : niniana nalentika ny sambo ary nangalarina ny jirofony ka nahavery ny volany 600 tapitrisa Ariary. “Tsy izahay niharan’ny halatra sy fanodinkodinan’entana indray no hipetra-potsiny fa nitory hitadiavana ny marina”, hoy izy. Fantatra etsy an-kilan’izay fa mbola hisy fisamborana olona hanaovana fanadihadiana hikarohana ny marina. Marihina fa 13 no efa tanana am-ponja vonjimaika ao anatin’ity raharaha ity. Milaza ny fianakavian’izy ireo fa misy ny fanavakavahana, satria “misy olona niniana tsy nohenoina mihitsy sy navotsotra tsotra izao”.