Actualités

Sambava Lasa fanaovana alim-pandihizana ilay EPP

Actualités
Alarobia 15 Jolay 2020

Toy ny faritra maro dia miato ihany koa ny fampianarana any amin’ireo sekolim-panjakana any amin’ny distrikan’i Sambava. Voakasik’izany ny EPP ao Ambodivohitra izay navadiky ny sasany ho lasa toerana fandraisana alim-pandihizana mba hahazoana vola.

Nanomboka ny 26 jona teo no nitrangan’izany ka hatramin’ny faran’ny herinandro teo. Efa in-efatra no nisy alim-pandihizana nitranga tao amin’ity EPP iray ity ka nitroatra ny Ray aman-dRenin’ny mpianatra. Raha araka ny lohanaranom-baovao voaray avy any an-toerana dia ny filohan’ny FRAM any an-toerana no anisan’ny tompon’antoka amin’izany fikarakarana alim-pandihizana izany. Vokatr’ity alim-pandihizana ity raha araka ny fantatra hatrany dia simba avokoa ny ankamaroan’ireo dabilio tokony hampiasain’ny mpianatra ao amin’ity EPP iray ity.

Pati