Actualités

Sakoroka tao Antsapanimahazo Natao hazalambo ireo �mpikomy� : 20 no tratra, anisan�izany ny Ben�ny tan�na !

Actualités
Talata 08 Jolay 2014

Natao hazalambo ireo vahoaka tondroina ho mpikomy, taorian�ny sakoroka niseho tao Antsapanimahazo, Kaominina Antsoatany, Distrikan�Antsirabe faharoa ny alahady 06 jolay 2014 lasa teo. 20 mahery no efa voasambotra, ka anisan�izany ny Ben�ny tan�na.

Resaka halatra omby, itony antsoina hoe “Rainizavona” itony no niandohan’ny gidragidra. Nisy omby very mantsy tao amin’ny Fokontany Mandritsara, ao amin’ny Kaominina Antsoatany ihany. Rehefa nanara-dia ny Fokonolona dia tao Antsapanimahazo no nifarana ny dian’omby. Ny alahady tokony ho tamin’ny 8 ora sy sasany maraina, taorian’ny fanadihadiana nataon’ny tompon’omby dia fantatra fa nisy lehilahy iray mpivaro-toaka ao an-toerana nivarotra hena vaovao 4 kilao tamin’ny mpivaro-toaka namany iray. Rehefa nandre ity mpivarotra ity fa hitady omby very ireo vahiny dia nolazainy fa nisy nivarotra nofon-kena taminy ka mbola misy raha toa ka ampiana izany. Natao ny vela-pandrika, ary nasaina nitondra hena fanampiny indray ilay ranamana ka dia norasim-potsiny satria mbola vaovao ny hena ary tsy misy mpivaro-kena eo an-toerana. Notazonin’ireo mpanara-dia avy hatrany izy ka nantsoina ny Ben’ny tanàna ary ity farany no niantso ny zandary.