Sabotsy Namehana

Tsy nisy olona 3 maty nihinana sambos izany !

Actualités
Alarobia 17 Septambra 2025

Taorian'ny fanadihadiana nataon'ny tompon'andraikitra

eo anivon'ny Fiadidian'ny Kaominina Sabotsy-Namehana izay tarihin'ny Ben'ny Tanàna Randrianarivelo Njakanavalona na "Zoky Njaka sy ny "Médecin Inspecteur" misahana ny fahasalamam-bahoaka ao Avaradrano ary ny mpitandro ny filaminana ao an-toerana dia tsy marina ilay resaka fihinanana "Sambos" voalaza ho nahafaty olona miisa 3 tany an-toerana resahina sy naparitaka tany anaty tambajotran-tserasera Facebook. Efa samy nandray ny andraikiny avy moa ireo rantsamangaika voatanisa etsy ambony koa miantso ny rehetra samy ho tony ary indrindra hanatsahatra faingana ny fanaparitahana tsaho sy ny vaovao tsy mari-pototra izay mety hampikorontana ny fiara-monina ary mety hanimba zavatra maro izy ireo.
Nangonin'i Pati
Légende : Tsy nisy olona matin'ny fihinanana sambos zany teto Sabotsy Namehana !