Rotsak’orana aza maha tondraka ny nosy

Asa izay hitranga raha sanatria rivodoza

Actualités
Zoma 21 Febroary 2025

Asa izay hitranga raha sanatria rivodoza no tonga hamakivaky ity Madagasikara ity

mandra-pahatapitr’izao vanim-potoam-pahavaratra tratra aoriana izao! Rotsak’orana aza maha tondraka ny nosy. Ny eto Antananarivo moa dia fijaliana foana isan-taona ho an’ireo faritra iva. Fitaintainan-dava ny an’ireo tsy mahafoy ny fonenany eny amin’ny toerana avo. Miotsaka ny tany. Rava ny tamboho. Ny olompirenena tsy mety tonga saina amin’ny loza aterak’ireo karazam-pako atsipitsipiny sy ariany anatin’ireo karazan-tatatra tokony hivoahan’ny rano. Tsy ny lafiny fitantanana ny raharaha politika sy toekarena ary sosialy hatramin’ny diplaomasia ihany no voamarina fa tsy mandeha araka ny tokony ho izy, hoy ireo fanehoan-kevitra samihafa, ary tsy ny fanabeazana ireo zaza any an-tsekoly ihany koa fa hatramin’ny fanabeazana ireo olompirenena ihany koa izany io hita mivantana ho miha mitotongana hatrany io. Hoavy tahaka ny ahoana no antenaina ho an’ity firenena ity?
J. Mirija