Actualités

ROLF Niakatra fampanoavana omaly

Actualités
Zoma 11 Septambra 2020

Niakatra fampanoavana tetsy amin’ny tribonalin’Anosy omaly ny mpanakanto, mpihira sady mpitendry sy mpamorona, Rolf Razafindrakoto, fantatry ny mpankafy kanto amin’ny hoe Rolf.

Resaka fanelezana tsaho momba ny raharaha fanampiana mitentina 1 tapitrisa ariary ho an’ireo mpanakanto, fanohintohinana fiandrianam-panjakana, fanalam-baraka imasom-bahoaka, raha fintinina no isan’ny antony lehibe niampangana ity mpanakanto ity. Ambenana sy arahan’ny fitsarana maso akaiky nanomboka omaly izy sy ireo olona miisa 3 hafa voarohirojy miaraka aminy, raha ny fampitam-baovao voaray. Hisy ihany koa ny fanadihadiana lalina ho sokafana mikasika ity raharaha ity, eo am-piandrasana ny tena didim-pitsarana, hoy hatrany ny vaovao voaray.

J. Mirija