RIVO-DOZA DIKELEDI

Efa lasa manalavitra ny morontsirak’i Madagasikara

Actualités
Zoma 17 Janoary 2025

Efa lasa manalavitra ny morontsirak’i Madagasikara hatrany hatramin’ny omaly hariva fotoana

nanoratanay ilay rivo-doza Dikeledi. Tany amin’ny 381 Km atsimo somary atsimo andrefan’i Faux Cap no nisy ny foibeny omaly folakandro. 170 Km isan’ora ny rivotra miaraka aminy, arahina tafiotra 240 Km isan’ora manakaiky ny foibeny. Nikisaka haingana nianatsimo atsinanana izy ka nahafaka 31 Km isan’ora ora. Foana avokoa noho izany ny filazana loza mikasika ity rivo-doza ity, raha ny fanazavana azo teo anivon’ny sampana mpamantatra ny toetr’andro etsy Ampandrianomby. Na izany aza dia fantatra fa mbola vokatry ny fandalovan’ity rivo-doza ity ihany no miteraka rotsak’orana amin’ny faritra maro manerana ny Nosy izay mety haharitra hatramin’ny 2 andro. Mikasika ny maripana eto an-drenivohitra kosa dia hanodidina ny 20 ka hatramin’ny 32 degre izany ka tokony samy hiomana amin’ny fitafiana hanaovany ny tsirairay.
Pati
Legende : Mihamanalavitra an’i Madagasikara ilay rivo-doza Dikeledi !