RESAKA ADY TANY

Novonoin'ilay Rangahy ny rahalahiny sy ny zanany vavy 2

Actualités
Alatsinainy 02 Jona 2025

Aina miisa telobe izao no indray nafoy tany amin'ny Fokontany Mahambolona,

distrikan'i Mandritrasa omaly Alahady 01 Jona. Nandriaka ny ra. Nasesin'ilay lehilahy nahavanon-doza novonoiny ny rahalahiny sy ny zanany roavavy. Vao 6 sy 4 taona ireto farany. Noho ny lonilony nateraky ny ady tany nisy teo amin'izy roalahy ireo no antony niteraka izao vono olona izao hoy ny loharanom-baovao azo. Efa nisy mihintsy ny fandrahonana nataon'ny mpamono talohan'izao ka voakasika ihany koa ny Rainy niteraka azy. Tamin'ny alalan'ny tsindron'antsy no namonoan'ilay tsy mataho-tody azy 3 mianaka ireo izay marihina fa efa lasa nandositra niala ny tanana ka mbola nifampitadiavana hatramin'ny omaly hariva fotoana nanoratanay. Efa tonga nijery sy nizaha ny razana moa ireo tompon'andraikitra isan-tsokajiny.
Pati
Légende : Tsindron'antsy mahatsiravina tahaka izao no tao an-damosin'ilay lehilahy ! Sary indrana