RENY NAHAVANON-DOZA

Notsindroniny hazo,

Actualités
Zoma 19 Jona 2026

nalentiny tao anaty rano ny zanany

Tovovavy kely iray vao 17 taona monja no fantatra fa voarohirohy ho namono nahafaty ny zanany naterany vao roa volana monja. Raha tsiahivina kely ny tantara dia nahazo antso ny kaomandin'ny Borigady ao Ambatomirahavavy, fa misy zazakely maty nisy namono tao Atamboho Fokontany Imeritsiafindra, Kaominina amba'ivohitr'Ambatomirahavavy Distrikan' Arivonimamo.Nidina teny an-toerana avy hatrany ny zandary. Tsy teo an-toerana intsony Ilay zaza namoy ny ainy fa nentin'ny fianakaviany sy ny fokonolona namonjy ny CSBII. Ilay reniny kosa dia efa voasambotry ny kartie mobila sy ny fokonolona. Ny Reniben'io zaza maty io no nahita azy voalohany nitsitra ary efa tsy nisy aina intsony teo ambony fandriana. Tsy hita izay nalehan'ilay reniny ary tsy nisy olona na dia iray aza tao an-trano. Nampandre ny fokonolona avy hatrany ity farany ka natao ny fikarohana ilay reniny. Nolazain-dRazazavavy tamin'ireo olona nisambotra azy fa notsindroniny tamin'ny hazo io zanany io ny Alarobia 17 Jona tamin'ny 02 ora atoandro. Raha mbola tsy maty dia nalentiny sy nokendainy tao anaty rano. Nofitahina sy naolan'ny rain-janany izy no nahazahoany ilay zaza kanefa izy mbola te hanohy fianarana, ary ilay rain-janany sady tsy hita no tsy nanampy azy. Nofaranany tamin'ny fomba feno habibiana ny tantaran'ilay menaky ny ainy vokatr'izany. Taorian'ny fizahana nataon'ny mpitsabo dia naverina tamin'ny fianakaviany ny razana.Omaly moa no tokony niakatra fitsarana ny raharaba. Tsiahivina fa ankoatra ny fahantrana sy tsy fahampian'ny fanabeazana dia antony iray manosika ny Reny hamono hahafaty ny zanany tahaka izao ny olana ara-pitiavana sy ny tahotra hiatrika fiainana hoy ny psikology iray.
Pati
Légende : Ilay Renim-pianakaviana nahavanon-doza !