Actualités

RAY MPANOLAN-JANAKA Efa misy maromaro ao Antanimora

Actualités
Alatsinainy 31 Jolay 2023

Tena tsy azo hatokisana intsony izao na dia ny Ray niteraka aza ho antsika manan-janaka vavikely. Tsara raha beazina tsy hanao fihetsika hafahafa,

tsy hanao akanjo manaitaitra, tsy hivalan-drano eo imason-dRainy ny zanaka vavy na dia mbola kely aza hisorohana ny loza mety hitranga. Mahery mantsy ny fakam-panahy indrindra raha somary mandrairay kely ilay Raim-pianakaviana toy ny fifohana zava-mahadomelina na ny fisotroana toaka. Maromaro izy ireo no efa miandry ny fitsarana azy ao Antanimora amin’izao raha araka ny loharanom-baovao azo. Nisy ireo vao nanandrana fotsiny raha nisy ihany koa ireo efa naka tsirony an-taonany maro mihitsy toy ny nanjo ilay zazavavy kely vao 10 taona monja teny Alakamisy Fenoarivo, distrikan’Atsimondrano tamin’ny faran’ny herinandro teo. Voan’ny aretina azo avy amin’ny firaisana ara-nofo mihitsy moa ity zaza ity vokatry ny hadalan-dRainy. Fitaka no nahazoany ny fahadiovan’ity zaza ity toy ny hoe : manao fitaisana amiko ndrii dia tsy mipipi am-pandriana intsony. Mbola mipipy am-pandriana foana mantsy ity zaza ity ka leon’ny fibedesana azy matetika rehefa ao an-tokantrano. Efa eny Antanimora moa ilay ranamana io mijinja ny nafafiny ankehitriny.
Pati
Legende : Ity ilay Ray nanolana ny zanany vavy teny Alakamisy Fenoarivo !