Actualités

Ranjatohery Harilala “Mbola misy olona tsara eto.”

Actualités
Sabotsy 02 Septambra 2017

Mikorontana ary tsy misy fitsipika ifampitondrana loatra intsony ny fiarahamonina ankehitriny, hoy ny mpanabe sady mpahay tantara, Ranjatohery Harilala.

Tsy mitovy intsony ny toe-tsain’ny mpianakavy ao an-tokantrano dia mikorontana. Ny mpiray tanàna koa ahitana izany amin’ny halatra isan-karazany. Ny fitondrana manoloana ireo toa tsy afaka mandamina araka ny tokony ho izy ny toe-draharaha ary manjaka ny fanamparam-pahefana izay miteraka lonilony sy valifaty eo amin’ny fiarahamonina. Soa fa na kely karama aza ireo mpampianatra dia mbola manana fandavan-tena hikarakara ny mpianany hatrany, hoy ny tenany. Aokoatra ny Fiangonana sy ireo fikambanana mpanao asa soa isan-karazany izay manao anton-draharaha mba handamina. Midika io fa mbola misy olona tsara eto. Ny fanabeazana ihany no fototra ahafahana mitondra vahaolana amin’izao toe-draharaha izao satria hatramin’ny fanjakana misy hatramin’izay mihitsy no efa mirona betsaka amin’ny fihinanana am-bolony izay entin’ireo vahiny.

J. Mirija