Ramatoa namono ny rafivaviny

Namono tena izy avy eo

Actualités
Zoma 20 Oktobra 2023

Tranga nampivarahontsana tany Ampasina Ambodiampana, distrikan'i Mananara Avaratra,

no niseho ny talata teo, raha ny fampitam-baovao voaray omaly. Vehivavy iray no voalaza fa namira ny rafivaviny tamin'ny antsibe. Maty vokatr'izany ity nambara fa rafivavy ity. Nandriaka ny rà. Rakotra dian'ilay antsibe ny hatony, ny tanany, ny lohany. Nandositra ilay ramatoa tompon'antoka. Avy eo hita faty niantona tamin'ny jirofo sahabo 4 metatra ny haavony. Tsy nisy ratra na diana vono teny amin'ny vatany. Ny fizahan'ny dokotera sy ny zandary no nilaza fa vono olona sy famonoan-tena no niseho. Samy nomena ny fianakaviany avy ny razana. Namono tena araka izany ilay ramatoa rehefa avy namono ny rafivaviny, raha ny fampitam-baovao voaray hatrany.
J. Mirija