Actualités

RAHOVIANA IHANY ?

Actualités
Alarobia 06 Aogositra 2014

Tsy mbola ampiharina ve ny lal�na Fa misy mpangalatra arovana lava, D�ireo �zay mpanohana ny fitondrana Kanefa dahalo efa zatra mpandrava ?

Tsy mbola ampiharina ve ny lalàna

Kanefa ianareo efa matin-tsikera,

Satria raha ny hatreto dia tsisy voatàna

‘Reo ngeza voatonona ho mpanao afera ?

Tsy mbola ampiharina ve ny lalàna

Sa ho an’ny madinika ihany izy ireny ?

Dia aza midehaka ety an-tanàna

Fa hery vaovao tsy mitàna ny teny.

Tsy mbola ampiharina ve ny lalàna

Satria ianareo toa tsy mety ho ambaniny ?

Tsy aleo ve akatona ny fitsarana

Fa lasa manjary mifampila vaniny ?

Tsy mbola ampiharina ve ny lalàna

Fa ny harenantsika efa atao varo-boba ?

Mpitondra o ! Ry manana ny fahefana,

‘Nareo ve sakaizan-dahalo mpandroba ?

SEDERA RAVALISON