RAHONA MIARAKA AMIN’NY ANDRO RATSY

Tombanana ho betsaka ny ranon’orana any amin’ny Faritra

Actualités
Alatsinainy 29 Aprily 2024

Tombanana ho betsaka ny ranon’orana eto amintsika manomboka rahampitso Talata raha araka ny fanazavan’ny

sampana mpamantatra ny toetr’andro. Ny Faritra Avaratra Atsinanan’ny Nosy no tena voakasik’izany izay mety hahatratra 40 ka hatramin’ny 90 mm ao anatin’ny 24 ora monja. Noho ny fisian’ny rahona miaraka amin’ilay faritra andro ratsy any Avaratr’i Madagasikara moa no anton’izany. Hitohy ny andron’ny Alarobia, Alakamisy ary ny Zoma izany any amin’ny faritra Avaratry ny Nosy ka mety hahatratra 50 hatramin’ny 150mm mihitsy ny refiny ao anatin’ny 24 ora. Miantso ny rehetra mba samy hitandrina araka izany ny any amin’ireo faritra voalaza ireo hisorohana ny loza mety hitranga. Lohalaharana amin’ireny ireo mipetraka amin’ny faritra iva sy manamorona ny ranomasina.
Nangonin’i Pati
Legende : Ho betsaka ny ranon’orana amin’ity herinandro ity any amin’ny faritra !