Raharaha nahafaty ny Dr Rado Ratobisaona

Nampidirina am-ponja ny sakaizany

Actualités
Alatsinainy 12 Aogositra 2024

Taorian’ny fanadihadiana nataon’ny Zandarimaria momba ny ahiahy famonoana ny Dr Rado Ratobisaona,

ilay mpampianatra mpikaroka momba ny toekarena teny amin’ny oniversiten’Antananarivo, eny Ankatso, dia nampidirina am-ponja vonjimaika ny sakaizany ny zoma teo rehefa natolotra ny fampanoavana teny Anosy, hoy ny fampitam-baovao voaray ny sabotsy teo. Raha tsiahivina dia maty irery tao an-tranony ity filohan'ny CREM na faribolam-pandinihan’ny mpahaitoekarena malagasy teo aloha ity ny 2 Jolay lasa teo. Neverina ho nianjera irery tao moa izy tamin’ireny fotoana ireny. Ny fianakaviana kosa anefa niahiahy famonoana ka nisokatra ny fanadihadiana nataon’ny Zandarimaria, raha ny fampitam-baovao voaray hatrany. Tena sakaiza manody tokoa ve izany ity sakaizan’i Dokotera ity? Ho hita eo moa ny tohin’ity raharaha ity.
J. Mirija