Raharaha "Boeing 777"

Partagé sur :
• facebook

Tsy re tsaika mihitsy, tsy fantatra hoe ahoana sy ahoana ireo ambara fa olon'ny

Federal Bireau of Investigation (FBI) tonga eto Madagasikara. Herinandro izay no dila taorian:ny fanambarana fa niantso azy ireo ny fanjakana malagasy. Anisan'ny fanontaniana mipetraka ohatra ny hoe : fanadihadiana iraisana ve no atao sa manao ny azy manokana ny FBI ? Inona avy ireo angom-baovao sy antontan--kevitra nampitain'ny fanjakana malagasy tany amin'izy ireo ? Ny zavamisy rehetra ve sa. vaovao natao handetehana ireo olona roa (malagasy sy karana) lazaina fa atidoha nikotrika ny hosoka ? Iny efa nesorina iny moa ny minisitry ny fitaterana ny noferana tsy mahazo mivoaka an'i Madagasikara; misy olona hafa ihany koa re fa atao fanadihadiana. Maro ireo fanehoan-kevitra nivoaka na avy amina teknisiana, olon-tsotra, mpanao politika izay samy manizingizina fa bizna avo lenta iny raharaha fiaramanidina lasa any Iran nampisalorana vonjimaika laharana malagasy. Tsy mampino hoy izy ireo izany hoe olona 2 no niketrika samirery afera toa izany. Mipetraka ary ny fanontaniana: anisan'ireo atao fanadihadiana ve ny tale jeneralin'ny ACM, ny filohan'ny antenimierandoholona ? Hatraiza no mahatafiditra azy ireo na tsy tafiditra satria nahoana. Olona eo ambany fahefany ve izany afaka manao izay tiany amina fifampiraharahana iraisam-pirenena ? Ahoana no nahasahian'ireo olona ireo hiditra amina raharaha miaraka amin'ny Iraniana, efa fantatra tsara anefa ny toe-draharaha iraisam-pirenena. Raha fehezina ny resaka dia hoe : inona no nahamaika ny fitondrana Rajoelina hiantso ny FBI ? Te hampiseho ve ireo manampahefana ambony hoe madio (clean) ry zareo, tsy misy atahorana fa dia alefaso ry FBI ny fanadihadianareo ? Sa misy olona goavana arovana dia alefa haingana ny fanadihadiana iraisam-pirenena mba hanamafisana ny vesatr'ireo voampanga dia mijanona eo ny resaka fa tsy misy tohiny intsony ? Dia tahaka ireo karazana afera maizina rehetra nanolafana fanadihadiana fa tsy hita izay tena marina avy eo.
RTT 

Tia Tanindrazana

Samia mijoro ho an'i Gasikara.