Actualités

Polisim-pirenena Toamasina Tompon�andraikitra maromaro nafindra toerana

Actualités
Alakamisy 19 Jona 2014

Tompon�andraikitra maromaro eo anivon�ny polisim-pirenena ao Toamasina no nafindra toerana.

Voalaza fa politika noraisin’ny minisitry ny filaminana anatiny ny Jly Randimbisoa Blaise Richard, ho fanomezana aina ny fandrindrana ny filaminam-bahoaka isam-paritra no antony. Taorian’ny kaomisera misahana an’i Toamasina I sy ny talen’ny polisim-pirenena tao Toamasina, dia fantatra izao fa hiova avokoa ireo tompon’andraikitra samy hafa. Eo ny polisy misahana ny ady ara-bola sy ara-barotra izay hafindra any Moramanga, ny kaomisera misahana ny sisin-tany hafindra eo anivon’ny seranan-tsambo, ny kaomisera misahana ny mpiasan’ny polisy ao Toamasina hifindra eo anivon’ny polisy misahana ny sisin-tany ary ny komandan’ny hery vonjy taitran’ny polisy (FIP) hifindra any Fianarantsoa. Re anefa fa misy ny fanangonan-tsonia ataon’ny Fokontany maromaro, indrindra ireo faritra mena, mangataka ny hitazonana ny lehiben’ny FIP Toamasina.