Actualités

Penjy Randrianarisoa Mitohy ny fanamboaran-dalana eny Ivato

Actualités
Talata 24 Oktobra 2017

Lalana mirefy 1 km no hamboarina hatao rarivato ao amin’ny kartie K7 eny amin’ny kaominina Ivato, Distrika Ambohidratrimo.

Toerana ifamezivezen’ny mponina ity lalana ity ary efa an-taona maro tsy nisy nanamboatra. Efa notrongisina nanomboka ny faran’ny herinandro teo ny lalana hampitovy tantana azy. Miditra amin’ny fandavahana ny tatatra andehanan’ny rano ny mpiasa amin’izao fotoana. Ezahina hovitaina ao anatin’ny 2 volana ny asa iarahana amin’ny mpandraharaha eny an-toerana. Nidina nijery ity fanamboaran-dalana ity ny Ben’ny tanàna Penjy Randrianarisoa omaly. Nampanantena ny ben’ny tanàna fa hovitaina hatramin’ny herintaona avokoa ny lalana rehetra ao an-tanànan’Ivato, anisan’izany ny lalana ao amin’ny tanànan’Ampandroana. Hanomboka amin’ny herinandro ihany koa ny fananganana ny EPP vaovao ao amin’ny fokontany Tanambao izay ahitana efitrano enina. Hetram-bahoaka avokoa no hanaovana ny fotodrafitrasa rehetra eo anivon’ny kaominina, hoy hatrany i Penjy Randrianarisoa.

Jean D.