Paul Rabary

Partagé sur :
• facebook

Nilaza ny mpahaifiarahamonina izay

efa minisitry ny fanabeazam-pirenena teo aloha Paul Rabary, fa manohana tanteraka ny « refondation » atao eto Madagasikara. «Ny antony dia tafalatsaka lalina loatra isika, ary soa ary fa nandray andraikitra izy 5 miralahy tamin’ny fotoana nivaivay nahafantsika miditra amin’izao fanavaozana izao », hoy i Paul Rabary. Tsiahivina fa mpikambana tao anatin’ny UPAR (Union Minisitry ny des Pro-Rajoelina) tamin’ny fifidianana filoham-pirenena farany ny tenany. Nambarany moa omaly, fa tsy afaka miverina ny tantara fa mandroso. Ankoatra io, milaza ny tenany raha niresaka ny tontolon’ny fanabeazana sy ny raharaham-pirenena, fa hisy ny « concertation nationale » ho an’ny Firenena, fa tokony hisy ihany koa mialohan’izay ny « concertation nationale » ho an’ny fanabeazana tokony hatao, mba hifanaraka amin’ny zava-misy marina eo amin’ilay faritra sy ny filan’ny firenena ny fanabeazana. Nanamafy ny tenin’ny Filoham-panjakana amin’ny fanomezana hasina ny teny Malagasy i Paul Rabary, ka nanipika fa tokony hirehareha amin’izany isika, tsy tokony ho mari-drefy intsony ny teny vahiny eo amin’ny lafiny fampianarana satria izay dia efa fanjanahana ara-tsaina sahady hoe : isika dia tsy manana mari-drefy afatsy ny fahaizana teny vazaha, hoy i Paul Rabary. Mila andrianina ny tenintsika, fehezintsika ny tenin’ny hafa, fa ny zava-dehibe dia ny fanomezana hasina an’i Madagasikara sy ny teny Malagasy, hoy hatrany ny tenany.
Toky R
 

Tia Tanindrazana

Samia mijoro ho an'i Gasikara.