Actualités

Pasitera Randriamisata Roger Tena hanimba fampihavanam-pirenena io

Actualités
Alarobia 23 Jolay 2014

Nanaitra ahy mafy ny resaka fanagadrana mpanao gazety na dia ho vonjimaika aza, hoy ny Pasitera Randriamisata Roger (Hetsiky ny mpitondra fivavahana), satria voalohany tsy nampoizina mihitsy ny hoe :

ao anaty fitondrana ara-dalàna dia mbola misy izao trangan-javatra izao. Tena hanimba ny fihavanam-pirenena io, hoy ity mpitondra fivavahana ity, ary hampivarina ny firenena any anaty didy jadona. Hanaitra ny Vondrona Iraisam-pirenena ity trangan-javatra ity, hoy ihany ny Pasitera Roger, satria izany “delit de presse” izany amiko tsy hanagadrana mpanao gazety. Efa nifampiresaka tamin’ny mpitondra mahefa aho hoe : aoka hialana izany fanagadrana mpanao gazety izany. Vao mainka hitondra lonilony eto amin’ny firenena ity resaka ity. Tokony hikendry ny mpitondra tsy hanao zavatra tsy voahevitra. Mbola sahy amiko ny mpitsara nandray fanapahan-kevitra tamin’ity resaka politika ity.