Orange Madagascar sy JCI

Nanamafy fiaraha-miasa

Actualités
Talata 25 Jona 2024

Tontosa, raha ny fampitam-baovao voaray omaly, ny fanasoniavana ny fifanaraham-piaraha-miasa

vaovao eo amin’ny Orange Madagascar sy ny JCI na Jeune chambre internationale. Fifanaraham-piaraha-miasa izay mifototra amin’ny fampandrosoana ny tanora malagasy izy io, hoy ny fanazavana. Maherin’ny 20 taona izao no nitondran’izany Orange Madagascar izany fanohanana hatrany teo amin’ny hetsika ara-tsosialy nataon’ny JCI teto Madagasikara. Teo koa ireo tetikasa maro izay tsy nitondra afa-tsy fahombiazana hatreto. Tsiahivina fa tambazotra ivondronana tanora 18 hatramin’ny 40 taona ny JCI. Toerana maherin’ny 5000 isa amina firenena 115 no misy azy. Ho an’ny eto Madagasikara kosa dia rafitra miisa 15 amina tanàn-dehibe miisa 11 no iasan’ireo mpikambana 350 ao anatiny. Ny fanomezana sehatra ny tanora eo amin’ny lafiny haitarika sy ny fivelarana ara-pihariana maro moa no tena imasoin’izany, raha ny fanazavana hatrany.
J. Mirija