Orana mikija sy rano miakatra

5 maty, 3 564 traboina

Actualités
Zoma 16 Febroary 2024

Mitombo ny fiantraikan’ny ora-mikija amin’ny faritra maro eto Madagasikara.

Araka ny tatitry ny Biraom-pirenena misahana ny loza sy ny tandindon-doza omaly tolakandro, miisa 5 ny namoy ny ainy, ka ny iray tranga vaovao tany Benenitra izay nisian’ilay fahafatesan’olona 11 sy nanjavonana olona maro vokatry ny rano trambo vao andro vitsy izay. Nisy kosa ny tranga 2 avy teto Antananarivo sy tany Mandoto, izay namoizana ain’olona roa avy. Tafakatra 3 564 ny traboina, izay avy amin’ny fianankaviana 1 362 eo nanerana ny nosy. Ny 305 amin’ireo no nafindra toerana, ka ny 235 tany Toamasina avokoa. Mahatratra 1 206 ihany koa ny toeram-ponenana dibo-drano, ka 6 no rava. 25 ny efitranon-tsekoly nisy fahasimbana, 41 ny rava tamin’ny ampahany, ary 40 rava tanteraka.
Toky R