ORANA ARTIFISIALY

Nifarana omaly Alahady raha ny vinavina

Actualités
Alatsinainy 25 Novambra 2024

Tsy hisy ranon’orana intsony aloha eto an-drenivohitra sy ny manodidina manomboka

anio alatsinainy 25 novambra raha araka ny vinavinan’ny sampana mpamantatra ny toetr’andro. Nifarana omaly Alahady 24 Novambra mantsy rehefa naharitra 3 andro ilay orana artifisialy nalefan’izy ireo rehefa nahafeno ny fepetra rehetra nilaina. Nambaran’ny teknisiana Lovandraina Rakotoarisoa fa anisan’ny tanjona ny mba hahafahana manampy tosika ny fiavian’ny ranon’orana tena izy eto an-drenivohitra sy ny manodidina. Toraka izany ihany koa ny mba hanatevenana ny tahirin-drano sisa misy ao Andekaleka sy hanampiana ny ranon’i Mantasoa. Efa miandrandra ranon’orana tena izy araka izany isika eto an-drenivohitra manomboka amin’ity herinandro vaovao vao miditra ity.
Pati