ONIVERSITEN'ANTSIRANANA

Nahazo jiro « solaire » sy solosaina

Actualités
Alakamisy 08 Janoary 2026

Ankoatra ireo fampidirana rano

tamin’ny "forage" sy ny fanolorana ireo fitaovana isan-karazany nataon’ny filohan’ny fanavaozana tany Antsiranana dia efa mirehitra ihany koa ny jiro amin’ireo toeram-pianarana 8 ao amin’ny oniversiten’Antsiranana. Mitohy ny asa ary faranana amin’ny herin’andro io ny tapany voalohany, ka ahazoana ny 180 KW ho an’ireo mpianatra sy ireo mpandraharaha, mpiasa am-birao ao amin'ny oniversite. Nampanantena moa ny filoha fa ho fenoina ny tanjak’ireo fitaovana ireo ato ho ato, inoana kosa anefa fa maro amin’ireo olana sedrain’ireo mpianatra no ho voavaha amin’ity tapany voalohany ity.Tao anatin’ny efatra herinandro no nanatanterahana ny asa ary manampahaizana Malagasy avy eny amin’ny oniversitem-panjakana ihany no nifarimbona nanatanteraka ity vina ity. Nampiarahana tamin’ireo fitaovana ihany koa ny camera de surveillance sy ny solosaina hanampiana ireo mpiandraiki-draharaha eny anivon’ny oniversite. Anisan’ny ezaka azo tsapain-tanana hamahana ny olana eny anivon’ny anjerimanontolo izao notanterahan’ny fanjakana Malagasy izao.
Nangonin'i RTT