Actualités

Oniversite Nijanona ny grevy saingy�

Actualités
Alarobia 30 Jolay 2014

Rehefa nifanjinja nandritra ny andro maro ny mpianatra sy ny fanjakana dia nisy fiatoana kely izany omaly

Nisy ny fihaonan’ireo mpianatra tamin’ny mpanao gazety. Tamin’izany no nilazan’izy ireo fa haato aloha ny hetsika ka hiandry ny fanapahan-kevitry ny fanjakana foibe. Efa nisy mantsy ny fihaonana tamin’ny minisitra mpiahy Rtoa Razananera Marie Monique. Nilaza ity farany fa tsy afaka manapa-kevitra fa hitondra ny raharaha any amin’ny filohan’ny repoblika. Nanamafy hatrany ireto mpianatra fa raha toa kosa ka tsy misy ny valin-teny mahafa-po avy amin’ny fitondram-panjakana dia hiroso amin’ny dingana mafimafy kokoa izy ireo. Hatreto izany aloha dia tsy milamina tanteraka ny eny Ankatso eny.Ny fanjakana moa dia efa nilaza ombieniombieny fa sarotra tanterahana ny fitakiana hampisondrotra 100% ny vatsim-pianarana. Etsy ankilan’izay manahy ihany koa ny fitondrampanjakana fa raha mena fahafaham-po ny mpanatra dia ho avy hitaky ny tombotsoany indray ny mpampianatra mpkaroa, ny mpiasan’ny oniversite manerana ny nosy dia hikatso daholo indray ny zava-drehetra.