Actualités

Olona mindram-bola eny amin�ny Microfinance Nitombo 15 % tato anatin�ny iray volana

Actualités
Alakamisy 28 Aogositra 2014

Nitombo 15 % ireo olona tonga mindram-bola eny amin�ireo ivontoerana mpampindram-bola madinika (microfinance) tato anatin�ny iray volana izao

Noho ny fahaporetana amin’ny fidiran’ny mpianatra avokoa no mahatonga izany ankoatra ny fakana vola entina hanatsarana ny asa fivelomana. Misy mahatratra ana hetsiny maro ho ana ivontoerana iray mpampindram-bola eny Atsimondrano eny ny vola alain’ny fianakaviana iray entina hampidirana mpianatra raha araka ny fanadihadiana natao ihany. Manomboka eo amin’ny enim-bolana kosa no fe-potoana farany kely hahafahana mamerina izany miandalana raha mahatratra an-taonany ny an’ny sasany. Nitombo io salan’isa io raha oharina tamin’ny taon-dasa. Nahitana fisondratany avokoa mantsy ny fitaovam-pianarana rehetra tamin’ity taona ity, antony nanery ireo tsy nanao izany tamin’ny taon-dasa hanjary hindrana tsy fidiny. Tsy mbola hijanona hatreo anefa izany raha araka ny fanazavan’ny tompon’andraikitra iray satria dia amin’ny volana oktobra vao tena hiditra avokoa ny mpianatra rehetra. Tsara moa ny manamarika fa misy amin’ireo ivon-toeram-pampindram-bola ireo no tsy manome vola raha tsy mpikambana feno mandatsaka latsak’emboka ao aminy raha misy koa ireo mijery fananana hafa mba antoka.