OLONA LGBT

Matahotra harian’ny fianakaviany ny ankamaroany

Actualités
Alarobia 04 Desambra 2024

Matahotra hoarian’ny fianakaviany ny ankamaroan’ireo olona LGBT eto amintsika na ny Lesbiennes,

Gays, Bisexuelles, Transgenres. Tsy vitsy ireo lasa manafina io fironany ara-pananahana io vokatr’izany. Misy amin’ireo mpiara-monina ihany koa no manasokajy azy ireo ho marary saina, raha araka ny fanazavan’ny Filohan’ny ONG Reseau Madagascar Solidarite LGBT( ORMS LGBT) Balou Rasoanaivo. Ankoatra ireo tranga ireo moa dia voalaza ho miaina herisetra sy fanavakavahana ihany koa izy ireo. Anisan’izany ny herisetra ara-tsaina toy ny teny maharary izay hataon’ny namany na ny iraitampo amin’izy ireny. Eo koa ny esoesonteny ho an’ireo sendra misy mahita mifampitantana eny an-dalana na manao fihetsika hafahafa izay marihina fa tena tsy eken’ny fiaraha-monina mihitsy. Raha araka ny loharanom-baovao azo anefa dia mihabetsaka izy ireny no miaina eny anivon’ny fiaraha-monina eny amin’izao.
Pati
Legende : Izy no Balou Rasoanaivo Filohan’ny ONG Reseau Madagascar Solidarite !