Olan’ny herinaratra

Miha mampanahy hatrany

Actualités
Talata 12 Aogositra 2025

Miha mampanahy hatrany ankehitriny ity olan’ny herinaratra eto amin’ny firenena ity,

raha ny fitarainan’ireo olompirenena izay saika miverina isan’andro indray. Ho an’ny teto Antananarivo renivohitra, raha ny omaly no resahina, dia tsikaritra ho tsy nety tafatombina mihitsy ny faharetan’izany ny tapany maraina. Tapaka mandritra ny 3 minitra eo dia miverina mandritry ny 4 minitra. Tapaka 4 minitra indray dia miverina 1 minitra. Efa ho im-polo fara-faha keliny toy izany foana, hoy hatrany ireo menomenona sy taraina voaray hatreny amin’ny tambazotran-tserasera samihafa eny. Jerena nefa etsy ankilany ny fandrindràna ny fiasan’izany herinaratra izany na irony «stabilisateur» irony, ho an’ireo izay manana fahafahana mampiasa azy ireny na koa voatery mampiasa izany moa, dia hita fa tena ambony be na miverina ambony be foana ny tahan’ny famatsiana izay herinaratra izay rehefa miverina ilay herinaratra. Zary fanontaniana fametraka matetika tato ho ato sy ankehitriny ny hoe mbola azo inoana ho avotra ve ity hany sisa misoratra ho orinasam-panjakàna antsoina hoe JIRAMA ity sa sanatria tsy misy ho antenaina intsony ny momba azy? Mampanahy tanteraka!
J. Mirija