Actualités

Ny Ampinga Namoaka mpianatra mpikabary miisa 60

Actualités
Talata 23 Jona 2015

Navoaka tamim-pomba ofisialy ny alahady lasa teo, rehefa nianatra nandritra ny valo volana ireo mpianatra mpikabary andiany fanasina, nanovo fahalalana teo anivon�ny fikambanana mpikabary Ny Ampinga,

tarihin’ny filohany Lalaina Mitahirifahendrena. Miisa 60 mianadahy izy ireo ka 60 taona no zokiny indrindra raha fito taona ny zandriny. Nampiavaka ity andiany ity ny hamaroan’ny andriambavilanitra tao anatiny raha lehilahy hatrany no maro an’isa hatramin’izay. Ankoatra izay dia zatovo ihany koa ny ankamaroany, ireo karazan-taona tsy dia voasarika mihitsy hatramin’izay saingy resy lahatra ihany. Karazana kabary miisa telo no nianaran’izy ireo toy ny kabary am-panambadiana, ny kabary am-pahoriana ary ny kabary amin’ny resaka fanokanana fotodrafitrasa. Tao anatin’ny hafaliana tanteraka no namaranan’izy ireo ny fianarany. Ny solombavambahoaka Randrianarisoa Guy Rivo, lany tao amin’ny Boriborintany fahadimy no ray mpiahy azy ireo izay tonga nanome voninahitra ny lanonana. Ny 04 novambra ho avy izao indray no hiditra ny andiany manaraka eny Itaosy sy ao amin’ny lycée teknika Alarobia izay marihina fa tsy handoavam-bola.

Pati