Nitolagaga ny tovovavy

Vita fora teo amin'ny faha-22 taonany i Roméo

Actualités
Alatsinainy 27 Aprily 2026

Variana ny olona nahita ity tovolahy

mirijarija antsoina hoe : Roméo, natao antsangory teny an-dalana, ny 24 aprily 2026 tao amin'ny Kaominina Mahela, Distrikan’i Mananjary. Nitolagaga ny maro, indrindra ireo vehivavy sy tovovavy tao an-tanàna rehefa nandre ny vaovao fa vao avy natao didim-poitra ilay tovolahy ka izay no nanaovana antsangory azy, tahaka ny fanaon’ny fiaraha-monina amin’ny ankizy, ho mariky ny hafaliana fa tafita soa. Tetsy ankilany koa moa i Roméo naneho ny hafaliany fa “tafajoro ho lehilahy” izy ankehitriny. Hiditra vanimpotoana ririnina ny eto Madagasikara, izay andron-jazalahy rahateo. Saika amin'io vanimpotoana somary mangatsiaka io no anatanterahana ny fora zaza. Mbola kely taona, amin'ny ankapobeny mialoha ny hidirany an-tsekoly no foraina ny zaza lahy kely. Samy manana ny fomban-taniny anefa. Na izany aza mahalana ny tranga toa an'i Roméo ka efa lehibe ny taonany vao atao ny didim-poitra.
Jean D.
Roméo natao antsangory avy noforaina