Actualités

Nijininika ny ra teny Ankatso Olona iray vaky loha

Actualités
Alarobia 23 Jolay 2014

Nitohy ny sakoroka teny ankatso omaly. Niverina ny tora-bato sy fandoran-javatra nataon�ny mpianatra

Tovolahy iray sendra nandalo no naratra mafy teo amin’ny lohany, ary nentin’ny Emmo-Reg avy hatrany teny amin’ny klinika Mpitsabo Mikambana tsy lavitra teo. Nirehitra ihany koa ny trano fivarotan’ny Mofoko iray eo am-bavahady fidirana an’Ankatso, saingy nalaky voavonjy. Tetsy an-kilany dia nandefa baomba mandatsa-dranomaso hanaparitahana ireo mpianatra ny Emmo-Reg. Milaza ny mbola hanohy ny hetsika hatrany ireo mpianatra raha tsy mahazo valin-teny mahafa-po ny hanondrotana 100% ny vatsim-pianarana, fitakiana izay efa nolavin’ny minisiteran’ny vola fa sarotra ny hanatanterahana. Mihenjan-droa ny tady hatreto ary mbola tantara mitohy ny eny Ambohitsaina eny.