Naolan’ny rahalahin-drainy

Namoy ny ainy i Onica, zaza vao 2 taona

Actualités
Zoma 05 Janoary 2024

Simba ny tranon-janany, namoy ny ainy Mirongatra ny fanolanan-jaza

any amin’iny distrikan’i Brickaville. Talohan’ilay zazavavy kely vao 2 taona monja naolan’ny rahalahin-dRainy tamin’ny fiandohan’ny herinandro teo dia zazavavy kely iray antsoina hoe : Onica ihany koa, izay vao 11 taona no namoy ny ainy omaly rehefa naolan’ny zana-badin’ny zokiny ka nandalo fandidiana tao amin’ny hopitaliben’i Toamasina. Tamin’ny volana Septambra lasa teo no nitranga ity toe-javatra mampalahelo ity. Simba tanteraka ny fahadiovan’i Onica noho izany raha fantatra ihany koa fa simba ny tranon-janany. Lehilahy iray 20 taona antsoina hoe : Letsita no nanolana azy. Efa naiditra am-ponja vonjimaika tany Ambalatavoahangy moa io tovolahy io araka ny fanazavana azo. Nomarihin’ireo fianakavian’i Onica moa fa midadasika loatra ny tananan’i Brickaville. Antony mampirongatra ny fanolanana ankizy ao an-toerana izany koa hanaovan’ireo Ray aman-dReny manan-janaka vavy rehetra antso avo amin’ny Fitondram-panjakana.
Pati
Legende : I Onica kely fony mbola notsaboina tao amin’ny hopitaliben’i Toamasina !