Na nahery vaika aza ny rivodoza

Nampiaina ny zavaboahary ny orana nilatsaka aloha!

Actualités
Alatsinainy 13 Janoary 2025

Na noho ny rivodoza na noho ny rivon-tsoa dia nampiaina ny zavaboahary ny orana nilatsaka aloha,

hoy ny fanehoan-kevitry ny mpanara-baovao sendra tratr’orana teny an-dalana iny sabotsy iny, raha ho an’ireo mponina teto Analamanga! Heverina ihany koa etsy ankilan’izay fa tsy nisy izay tsy niandrandra izany atao hoe rotsak’orana izany ny faritra rehetra manerana ny nosy. Maray fo amin’ireo mpiray tanindrazana any amin’iny faritra avaratra atsinanan’ny nosy iny sy izay faritra hafa efa tra-pahavoazana, na izany na tsy izany, aloha izany izao rehefa malagasy manoloana ny fahoriana maha traboina azy ireo any an-toerana vokatr’izao fandalovan’ny andro ratsy Dikeledi izao. Raha ny angom-baovao voaray teo anivon’ny sampana mpamantatra ny toetry ny andro aloha dia aorian’ny mety ho fandalovan’ny andro ratsy mihitsy vao mety hahazo rotsak’orana feno ny eto afovoan-tany. Izany hoe mety amin’io herinandro hoavy io mihitsy, raha ny fanazavana voaray hatrany.
Nangonin’i J. Mirija