Mponina manohitra ny Base Toliara

«Hifankahita tokoa isika rehefa tsy hifampiresaka»

Actualités
Zoma 16 Mey 2025

Tsy mitsahatra ny manohitra ny tetikasa Base Toliara ireo mponina any an-toerana,

raha ny fampitam-baovao voaray omaly. Tsy hanaiky io tetikasa io izahay, hoy ny solontenan’ireo mponina ao Ankilimaliniky, Toliara II. Efa mahavelona anay, hoy izy, ny fiharianay aty amin’izao fotoana izao. Na ho tapahan-doha aza tsy hisy hiala eto, hoy ihany ity renim-pianakaviana ity. Tsy tanin’ny filohan’ny repoblika ny taninay, hoy kosa ny raim-pianakaviana iray ao Benetsy Ankilimaliniky ihany. lazaina, hoy izy, fa tsy ampiasa hery ny fitondràna fa hifampiresaka kanefa ny vata-tenany tsy tonga aty fa mpitandro filaminana no tonga avy any. Rehefa tsy ianareo hifampiresaka no tonga aty fa mpitandro filaminana izao foana dia hifankahita tokoa isika, hoy ihany ireo mponina.
Nangonin’i J. Mirija