Mponina eny amin’ny Akamasoa

Nametraka fitoriana manoloana

Actualités
Alatsinainy 20 Aprily 2026

ny fanenjehana ny Mopera Pédro

Tsy misehatra amin'ny resaka politika ny fikambanana Akamasoa, hoy ireo mponina eny amin’ity toerana fanarenana mahantra natsangan’ny Mopera Pédro Opeka, eny Andralanitra ity ny faran’ny herinandro teo. Tsy tokony ampiasaina amin'ny resaka politika ny anaran'ny Mopera Pédro, hoy izy ireo. Nanamafy izy ireo fa tsy manafina fitaovam-piadiana na mitazona olona ny fikambanana. Manameloka ny tsaho mahakasika an'ity raiamandreny mpiahy azy ireo ity ny vahoaka monina eny amin'ny Akamasoa. Raisina ho fandotoana an'i Mopera Pedro ny zava-mitranga, hoy ireo mponina. Izy izay manao ny ainy tsy ho zavatra amin'ny fanampiana ireo mponina eny amin'ny Akamasoa. Miantso ny fitondram-panjakàna handray fepetra manoloana ny tsaho miely, noho izany, ny mponina. Nomarihin'izy ireo fa manodidina ny 4 alina isa ireo mponina eny an-toerana, eo ambany fitantanan'i Mopera Pedro ka trano manodidina ny 5000 isa, izay no naoriny honenan'izy ireo ankehitriny, hoy hatrany ny fampahatsiahivana sy fampitàm-baovao voaray. Nametraka fitoriana eny amin’ny borigady misahana ny heloka bevava manoloana ny heverin’izy ireo fa fanenjehana sy tsaho mihatra amin’ity Mopera ity moa, noho izany rehetra izany, ireto mponina ireto.
Nangonin’i J. Mirija