MPILATSAKA AN-TSITRAPO FRANTSAY

Mahatratra 500 isan-taona ireo tonga eto amintsika

Actualités
Zoma 04 Oktobra 2024

Mahatratra 500 isa isan-taona ireo mpilatsaka an-tsitrapo Frantsay tonga eto amintsika

ka ny 200 amin’ireo no misehatra amin’ny asa sosialy toy ny fiarovana ny tontolo iainana. Raha araka ny fantatra dia taorian’ny nisian’ny valan’aretina COVID teto amintsika no tena nampitombo isa azy ireo izay nanampy sy nikarakara ny mponina. Hankalazaina anio Zoma 04 Oktobra ny andro iraisam-pirenena ho an’ny mpilatsaka an-tsitrapo Frantsay. Ankoatra ny any Frantsa izay hanaovana hetsika miavaka dia hanamarika izany ihany koa isika eto Madagasikara. Tanjona ny hampahafantarana ny maha-sarobidy ny asan’ireo mpilatsaka an-tsitrapo amin’ny mpiara-belona sy ny hanomezan-danja izany. Amin’ny ankapobeny mantsy dia saika mahafoy ny ainy sy ny fotoanany manontolo ho an’ny mpiara-belona izy ireny no sady manamaivana ny fahasahiranan’ny firenena iray izay hanaovany izany asa soa izany.
Pati
Legende : Ny asa fampianarana no tena sahanin’ireo mpilatsaka an-tsitrapo Frantsay eto amintsika !