Actualités

MPIKALO Namoaka ny andiany Don Bosco

Actualités
Alarobia 05 Aogositra 2015

Nitombo 581 indray ny mpikabary malagasy fa namoaka ny andiany faha-11 nitondra ny anarana Don Bosco, ny faran�ny herinandro teo tetsy Mahamasina, ny fikambanana mpikabary Katolika eto

Madagasikara arsidiosezin’Antananarivo na ny MPIKALO izay tarihan’ny filohany 3 mirahalahy René, Mamy ary Clément. Marihina fa taninketsa hatramin’ny 12 taona ny 55 amin’izy ireo, izany hoe 10 ka hatramin’ny 67 taona ireo mpiofana. 9 ka hatramin’ny 10 volana no nianaran’ity andiany ity tany amin’ireo Fiangonana 51 avy amin’ny Distrika 23 manana rantsan’ny Mpikalo. Tsy manavaka finoana ny fiofanana fa mamonjy an’ireo fiangonana voalaza ireo izay liana tamin’ny fanarahana ny fampianarana. Miainga amin’ny fandalinana ny Soratra Masina ny kabary atao nefa koa mikajy lalandava ny soatoavina malagasy madiodio. Nomarihan’ny tompon’andraikitra fa mbola misy ny fandalinana aorian’ny fivoahana. Teny filamatra novoizin’ny Mpikalo hatrizay ny hoe “Andrianiko ny teniko, hitoriako ny vaovao mahafaly”.

Ntsoavina Evariste