Actualités

Mpihira ara-pilazantsara Malagasy Efa resin’ny Tompo ny coronavirus

Actualités
Sabotsy 11 Aprily 2020

Nahavita nanentana mpino Kristianina maro nanatontosa niaraka tamin’izy ireo ny atao hoe “Hiaka sy fiderana” nanomboka omaly alina tamin’ny 7 ora mpihira ara-pilazantsara malagasy.

Naharitra teo amin’ny ora iray teo ny fampisehoana izay niainga tanatin’ny tambazotran-tseraseran’ireo mpihira ara-pilazantsara malaza toa an-dry Joseph D’Af, Rija Rasolondraibe, Rojo Ny Avo sy hafa maro be ary nandeha tamina onjampeo maromaro ihany koa. Satria moa mandia fotoan-tsarotra ny firenena dia nisandratra ihany koa ny vavaka fangatahana famonjena ho an’ny firenena ary tanjona napetraka natao teny filamatra moa ny hoe rava ny manda fa Jesoa Kristy no hisandratra ary efa resin’ny Tompo ny coronavirus.

J. Mirija